Հյուրանոցի շենքը կառուցվել է 1970-ական թվականներին: 2019թ. շենքը մեր կողմից ուսումնասիրվել է և տրվել է համապատասխան եզրակացություն՝ այն վերակառուցելու համար անհրաժեշտ միջոցառումներով և լուծումներով: Ներկայումս շենքը վերակառուցված է և շահագործվում է ըստ նշանակության:

Տվյալ շենքը կառուցվել է 2010-ական թվականներին: 2020թ. այն ուսումնասիրվել է մեր կողմից և տրվել է համապատասխան եզրակացություն վերջինիս տեխնիկական վիճակի վերաբերյալ: Հետազննության ժամանակահատվածում շենքի շին-մոնտաժային աշխատանքներն ամբողջությամբ ավարտված էին ու ընթացքի մեջ էին ներքին և արտաքին հարդարման ու բարեկարգման աշխատանքները:

Վերը նշված հասցեներով շենքերն իրենցից ներկայացնում են միջինից փոքր թեքությամբ տեղանքի հարթեցված հատվածների վրա տեղակապված բազմահարկ բնակելի կառույցներ, որոնք իրականացվել են  2019-2021թթ. սահմանված կարգով համաձայնեցված  և  փոփոխված նախագծերով: Շենքերը բաղկացած են 18 վերգետնյա և մեկական ավտոհանգրվանային հարկաբաժիններից: Վերջիններս մեր կողմից ուսումնասիրվել են 2022թ. և տրվել է համապատասխան եզրակացություն դրանց տեխնիկական վիճակի վերաբերյալ, ուսումնսիրության ժամանակահատվածում ավարտված էին հիմնակմախքի շինմոնտաժային աշխատանքները և ընթացքի մեջ էին  ներքին հարդարման, ինժեներական համակարգերի տեղադրման ու բարեկարգման աշխատանքները:

Վերը նշված ամրոցը կառուցվել է 7-10-րդ դարերում, դեռևս ուրարտական թագավորության ժամանակներից գոյություն ունեցող ամրոցի տեղում: Այն տեղակապված է միջինից փոքր թեքությամբ բլրալանջի վերին դարավանդի վրա:

Ամրոցն իր գոյության տարբեր ժամանակահատվածներում՝ ընդհուպ մինչև 18-րդ դարասկիզբ, վերակառուցվել ու լրակառուցվել է տարբեր տիրապետողների կողմից: Այն մեր կողմից ուսումնասիրվել է 2022թ. և տրվել է համապատասխան եզրակացություն արտաքին պարսպապատի ներքին տարածքի կառույցների տեխնիկական վիճակի և վերականգնման հնարավորության վերաբերյալ: 

Բարձրաքաշ Սբ. Գրիգոր վանական համալիրը գտնվում է Լոռու մարզի Դսեղ գյուղի հյուսիս-արևելյան կողմում գտնվող Սաղուձորում, նրա արևմտյան անտառապատ ձորալանջի դարավանդային տեղանքի վրա: Համալիրի բոլոր կառույցները թվագրվում են X-XIII դարերին: Մեր կողմից 2021թ. առավել հանգամանորեն զննվել են միմյանց հարակից երկու եկեղեցիները և գավիթը:

Տաճարը գտնվում է Ախուրյանի կիրճի արևելյան ափի սարահարթի վրա, Անիպեմզա գյուղի հարևանությամբ:

Ըստ գոյություն ունեցող աղբյուրների, այն կառուցվել է վաղ քրիստոնեական շրջանում՝ IV-V դարերում, նախկինում գոյություն ունեցած հեթանոսական մեհյանի տեղում:

Տաճարը պատկանում է եռանավ բազիլիկների տիպին և իր չափերով, ծավալատարածական լուծումներով ու ճարտարապետական հորինվածքով, բացառիկ է նմանատիպ կառույցների մեջ:

Այն մեր կողմից ուսումնասիրվել է 2021թ. և տրվել է համապատասխան եզրակացություն  կառույցի տեխնիկական վիճակի և վերականգնման հնարավորության վերաբերյալ: